Acabamos de coñecer o fallo da quinta edición do Premio Frei Martín Sarmiento, organizado polos equipos de Normalización Lingüística da FEREGA e outorgado por máis de cinco mil lectores e lectoras. Foron premiadas tres obras publicadas por Xerais ao longo do pasado ano 2007:
- Fina CASALDERREY: A lagoa das nenas mudas, colección Sopa de Libros (categoría de 3º a 5º de primaria).
- Francisco CASTRO: O ceo dos afogados, colección Fóra de Xogo (categoría 6º de primaria a 2º de ESO).
- Agustín FERNÁNDEZ PAZ: O único que queda é o amor, colección Xuvenil ilustrada (categoría de 3º de ESO a Bacharelato).
Os premios foron fallados no seo dunha Gala realizada en Vilagarcía na que participaron varios milleiros de rapaces e rapazas. Os nosos parabéns para os premiados e para os organizadores.
Etiquetas: agustín_fernández_paz, a_lagoa_das_nenas_mudas, fina_casalderrey, francisco_castro, o_único_que_queda_é_o_amor, o_ceo_dos_afogados, premio_frei_martín_sarmiento
Xerais blog 
Maio 2, 2009 ás 9:09 pm |
Dan gañas de mandar todo a paseo. Estiven na Festa da Lingua coa rapazada. Alí destacaron un entusiasmo cultural e un amor á lingua que deberían facer sonroxar aos políticos e empresarios xornalísticos. Así nos vai. Construindo “gaiáses” e derrubando país.