Xerais no FESTIGAL

Xerais participará nos seguintes actos do FESTIGAL, a celebrar en Compostela durante a tarde e o serán do 25 de xullo:

• 17:15: Presentación da edición en galego d’ O segundo sexo de Simone de Beauvoir. Intervirán: Carmen Adán, Secretaria Xeral de Igualdade da Vicepresidencia da Xunta de Galicia, Manuel Bragado, África López e Marga Marcuño.
• 18:30: “Herbas do cego”, recital de poesía de Manuel Rivas. A continuación, presentación d’ Os Grouchos.
• 19:15: Presentación do libro Renacer de Xabier Paz. Intervirán: Manuel Bragado e o autor.
• 20:15: Presentación do libro Os piratas da illa da Esperanza. Falarán:  X. H. Rivadulla Corcón, Manuel Bragado, Isidro Novo e  Susana Rois.
• Durante a tarde, Rosa Aneiros, Marcos Calveiro, Agustín Fernández Paz e Teresa Moure, asinarán exemplares das súas obras.

Merlíns para a primavera

Hoxe entraron no almacén catro novos títulos da colección Merlín:

• Lía e as zapatillas de deporte de María Reimóndez, ilustrado por Iván Sende (9 anos en diante, novela).
• Os piratas da illa da Esperanza de X. Rivadulla Corcón, ilustrado por Adrián Solleiro (11 anos en diante, novela).
• Sopa de Marsopa de Isabel Freire, ilustrado por Jon Puga (9 anos en diante, novela).
• PAlAbrAs brAncAs de Elvira Riveiro Tobío, ilustrado por Fino Lorenzo, obra finalista do Premio Merlín de literatura infantil 2007 (9 anos en diante, poesía).

Nas librarías a vindeira semana.